shaam

Ek taakh rakh uss soch kal jab hum chale the,

ye dekha humne aaj surat fir wahi hai.

niyat ki meri aaj boli fir lagi hai,

tum puchte ho desh mera tha bhala kya,

insaan ka hi khoon hoon main ro pada hoon.

Wo tum hi the dhoti me ae desh ko tha tumne joda,

insaan si shakal thi, bhagwaan ka tha bas hissa thoda.

bengal me hone lagi thi jab baatne hisso ki baatein,

tum roye sari raat ,rakhi humko tumne the baandhe.

galti na meri ,na hi teri ,galti thi haalaat ki,

kuch netao ki baat sun kar sab mile aur desh toda.

Bhai se bhai lad pade aur khoon sabke path pade the,

chauraahe tab maiyat sazi thi ankhon me thi bhoogarbh lali,

dharm ne na socha na hi toda,haiwaan the jo hum lad pade the,

jis baag humne sang sajoya ,har phool uske ab sad pade the.

Chal raha wahi itihas abhi tak bani nhi koi baat,

tu de to mauka ,bhai tu mere thaam to bhai ka haat .

chal manta hu galti thi meri ,de zara ab tu mera sath,

uss path ko badlein wo baag sichein,de naye bharat ko ek nai saugaat.